Henrikh Mkhitaryan oo ammaankiisa dartii uga baaqanaya ciyaar kama dambays ah

0
141

Henrikh Mkhitaryan oo khadka dhexe uga dheela Arsenal ayaan ka qayb gali doonin ciyaarta kama dambaysta ah ee Europa League.

Ciyaartaas oo dhacaysa 29 bisha May ayay foodda isku dari doonaan Chelsea iyo Arsenal.

Waxaa la fahamsan yahay in ciyaartoygan soddon jirka ah ee reer Armenia uu ammaankiisa u cabsaday inta ay ciyaartu ka socoto magaalada Baku, ee dalka Azerbaijan.

Henrikh ayaa sheegay in markii ay dhinacyo badan wax ka fiiriyeen ay qaateen go’aanka adag ee ah in uusan ka qayb galin ciyaarta kama dambaysta ah.

“Ciyaartan oo kale waa ciyaarta aan markaste fursad loo helin, wayna xannuun badan tahay in ay ku dhaafto.” ayuu intaas ku sii daray Henrikh Mkhitaryan.

Mkhitaryan ayaa horay uga baaqday ciyaaro kooxo oo lagu qabtay Azerbaijan iyadoo ay sababtuna tahay xiisadda siyaasadeed ee ka dhex taagan Azerbaijan iyo Armenia.

LEAVE A REPLY

Please enter your comment!
Please enter your name here